आगे असाढ़ गिरत हे पानी चूहत हे घर के छानही
कबरा कुसुवा बइला धरके करबो खेती किसानी
अरत तता नांगर फान्दे जाबो धरके रांपा झंऊहा अऊ कुदारी
ईही हमर रमायेन अऊ गीता
ईही गंगा कांशी हमर महतारी
करमा ददरिया सुवा गाबोन
मया पिरीत के गोठ गोठियाबोन
नदिया नरूवा हा बऊरागे हे
तरिया डबरी घला छलछलागे
चिरई चिरगुन हा बने कुलकत हे
टरर टरर मेंचका घला नरियावै
जगहितवा संगी बन जाबोन
चंदा चंदेनी कस बने इतराबोन
दाई ददा के सेवा ला बजाबोन
सजे रहय हमर मया के फुलवारी
ताते तात कलेवा रोज खाबोन
मिलने संग अथान चटनी बासी
गांव लिए सरग हम बनाबो
सुनता के थरहा हम जगाबोन
राजेन्द्र मानिकपुरी जामगांव आर
contact - 7024897331
0 टिप्पणियाँ
please do not enter any spam link in the comment box.